پاکستان و هیندستان لەسەر ئاگربەست رێککەوتن
13 oC
13 oC
Güneşli
13 oC
Güneşli
ئەمریکا راگەیاند، "دوابەدوای دانوستانەکان بە نێوەندگیری ئەمریکا، هیندستان و پاکستان ڕێککەوتن لەسەر ئاگربەستی تەواو و دەستبەجێ."
دۆنالد ترامپ، سەرۆکی ویلایەتە یەکگرتوەکانی ئەمریکا لە بەیاننامەیەکدا لە هەژماری تایبەتی خۆی لە تۆڕی کۆمەڵایەتیی خۆی رایگەیاند، گفتوگۆکانی نێوان هیندستان و پاکستان بە درێژایی شەو بە نێوەندگیری ئەمریکا بەڕێوەچووە.
ترامپ وتی، "بە خۆشحاڵییەوە رایدەگەیەنم کە هیندستان و پاکستان لەسەر ئاگربەستێکی تەواو و دەستبەجێ رێککەوتوون."
هەروەها محەممەد ئیسحاق دار جێگری سەرۆک وەزیران و وەزیری دەرەوەی پاکستان رایگەیاند کە پاکستان و هیندستان لەسەر ئاگربەستی دەستبەجێ رێککەوتوون.
ڤیکرام میسری، سکرتێری وەزارەتی دەرەوەی هیندستان رایگەیاند، وڵاتەکەی لەگەڵ پاکستان گەیشتووەتە رێککەوتنێک بۆ راگرتنی چالاکییە سەربازییەکان و "رێککەوتن لەسەر ئەوە کراوە کە هەردوولا لە کاتژمێر ١٧:٠٠ بە کاتی ناوخۆوە هەموو چالاکییە سەربازییەکانی وشکانی و ئاسمانی و دەریایی ڕابگرن."
میسری ئاماژەی بەوەشکرد، ڕێنمایی لە هەردوولاوە دراوە بە بەرپرسانی پەیوەندیدار بۆ جێبەجێکردنی ئەم ڕێککەوتنە و بەرپرسان لە ١٢ی ئایار جارێکی دیکە کۆدەبنەوە.
هەروەها سوبرامانیام جایشانکار وەزیری دەرەوەی هیندستان لە پلاتفۆرمی سۆشیال میدیای ئێکس رایگەیاند کە هیندستان و پاکستان گەیشتوونەتە رێککەوتن بۆ ڕاگرتنی دوژمنایەتی و ئۆپڕاسیۆنە سەربازییەکان.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
کەتائیبی قەسام، لقی سەربازیی بزووتنەوەی حەماس، دیمەنی ئۆپراسیۆنێکی بڵاوکردەوە کە سەربازانی داگیرکەری کردە ئامانج لە سنووری ڕۆژهەڵاتی ڕەفەح، لە باشووری کەرتی غەززە.
بەشداربووانی سی و چوارەمین لوتکەی یەکێتی عەرەبی کە بڕیارە ١٧ی ئایار لە بەغدا بەڕێوە بچێت، بەیاننامەیەک پەسەند دەکەن کە داوای کۆتایی هێنان بە هێرشەکانی سەر کەرتی غەززە دەکەن.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٢ هەزار و ٩٢٨ کەس و ژمارەی بریندارەکانیش گەشتە ١١٩ هەزار و ٨٤٦ کەس.
پاکستان و هیندستان هەر یەکێکیان دیپلۆماتکارێکی وڵاتی دیکە بە تۆمەتی "سیخوڕی" دیپۆرت کرد.
